لو تعــــــــــــــرفى ..!!؟؟

******************

لو تعرفى

لما يموتنا الالم .مليون سؤال

لو تعرفى

لما نضيع جوه العدم جوه الخيال

لو تعرفى

لما ندوب ونبقى يا دوبك سؤال

حبى اللى كان حبنا .ضيعته ليه

وهمسه الشوق والحنان لمسه دفا

حبى اللى كان يملا عنيه

راح فين ده كله مش لاقيه

يفضل سؤال

طيب يبقى ايه هو العدم

لو تعرفى ؟

لو تعرفى .كم الالم..

احساس رهيب كده بالعدم..

ونزيف لقلب دموع ودم..

احساس فظيع .بالانتهاء..

وحروف كلام نبلعها سم

************

محمد الراصد

ما وحشتكش

****************************

ماوحشتكش؟؟

طول الوقت ده كله تغيب كده ولاتسالش

ماوحشتكش

وانا قلبى عايش متحير ولا بينمش

ما وحشتكش

يعنى نسيت كل اللى ما بينا كانه مكنش

ماوحشتكش

يعنى خلاص ولا كنت عارفنى ولا شوفتكش

...............................

طيب راح ارد بايه على قلبى

اللى تمللى بيسال عنك

وعنيا اللى تملى تشوفك

ف كل وشوش الناس وتحبك

عمره ما هايصدق لو اقوله

انه نسينا .وراح ماسالش

معقول .لا مش قادر اصدق

كل العمر اللى انا عيشتولك

كل الحب اللى انا حشتولك

كل الحلم اللى حلمتولك

كل ده راح وكأنه ماكنش

كدب روحك ..قول محصلش

قولى هاسامحك قول ماتخافش

مش متصور اعيش من غيرك

مش متصور احب انا غيرك

مش متصور يوم هايعدى

احب اشوفك فيه ما اقدرش

قولى انا بكذب. قولى انا بحلم

لكن تنسى ..لا ما متقولش

مش راح اصدق انك تنسى

وان صدقتك قلبى يكدب . مايصدقش

عاوز تبعد ابعد وانسى

لكن ابدا اوعى تقولى

ماوحشتكش

محمد الراصد