الجمعة، 19 فبراير 2010

ابيعكم ....قلبى


.......................................................................................................




من يشترى قلبا بلا ملامح

قلبا اضاعه التسامح

قلبا يصر ان يحب بلا حدود

ويحتوى بلا حدود

ملئ الحنايا والجوانح

لايعرف الخيانه والمهانه

لكنه اخيرا قد تعلم

الا يصالح

انا ابيعكم قلبى

من يشترى قلبا اضاعته

مجهوله الملامح

.....................

ابيعكم قلبى ببعض من وفاء

وبعض من مخافه السماء

ابيعه ببعض من صفاء

وغصن صدق.وفرع من حياء

ابيعه وابيع مالدى من دماء

لكل هذه الاشياء

انا ابيعكم .فمن طلب الشراء؟

من يشترى قلب بلا رياء

قلب طفولى النقاء

وفقط هو لايصالح

ضاعت ملامح التسامح

عفوا ..اضاعتها

مجهوله الملامح
 
الراصد

الأحد، 7 فبراير 2010

Zamalek Toolbar الزمالك تول بار - الاول في الشرق الاوسط - كل سنه وانت زمالك

Zamalek Toolbar الزمالك تول بار - الاول في الشرق الاوسط - كل سنه وانت زمالك

...................................................................................................

..............................................................








بقلم : كل زمـــــــــــالكاوى


الزمـــــــــــــــالك تولبـــــار


............................


انا اقصد معنى العنوان .. فالزمالك ليس اسم ولا نادى .. بل معنى . ويمكن ان تغير الحروف فقط


وتكتب مكانها اى معنى جميل تقصده .. فكل تلك المعانى تعنى اسما واحدا ..لوطن غالى فى قلوبنا






كل سنه وانت طيب يازمالك يا عظيم .. ياحبى الكبير ..يارمز لكل معنى جميل ونظيف داخل كل زمالكاوى


اتعلمنا فى حبك التمييز .والفرق بين الحق والباطل . واتعلمنا فى حبك ازاى نفوز بشرف وبجهدنا


نفوز فى الملعب ومش خلف الابواب ولا فى الضلمه .واتعلمنا فى حبك اننا لانفرح عند الفوز صدفه ولا باداء


سئ ..واتعلمنا فى حبك ان الفوز مش لازم يكون باى وسيله ولا باى طريقه ... رايناك كثيرا بطل حتى بلا


بطوله لانك كنت البطل فى النور .بينما الاخرون ابطال الدسائس وابطال الظلام والظلم .. علمنا حبك القيم


وفرحنا معاك كثير وايضا كانت هناك سنوات من الانحدار . بسبب مؤامرات الفاسدين ..حتى من بعض


ابناءك .زى اى وطن فيه صالحين وفيه خونه . حبينا فيك الفن والهندسه .واحببناك معنى .وليس مجرد نادى


كل زمالكاوى يعرف انك اكثر من مجرد نادى ..وكل زمالكاوى يعرف انك كلمه لا فى بلد النعم . ولانك رمز


لاشياء لايفهمها الكثيرون ..فجمهورك هو الصفوه .ولان جمهورك كذلك .فانت هدف لكل مؤامرات الفساد


السياسى . لان جماهيرك ليس كالقطيع .فوجب تحجيمها لان الباقى سيسهل انقيادهم لانهم عدموا التمييز


كل سنه وانت طيب وانت صامد .رغم كل الهدم والهدد الذى حدث لك .. تاريخك كله ليس فيه بطوله


لاتستحقها .. ولم تاخذها بالحكام ولا بتوجيهات سياسيه .. ولا كفقره فى الدستور لالهاء القطيع الجاهل المتخلف


وكثيرا مافقدت بطولات لانه كان مقررا ان تفقدها .. هى اشياء تحدث خارج الملعب .ومن اجل ذلك .تعلمنا


فى حبك .ان نحب الحق ونكره الظلم ومن اداء نجومك ان نحب الفن والهندسه ..هم ابناءك واجيالك التى


لم تخلوا ابدا من فنانين يعزفون باقدامهم ورؤوسهم . طوال تاريخك وانت تملك فى كل جيل الافضل والاحمل


فنا وخلقا .واداء . كل سنه وانت حبيبى وحبيب الملايين ..فى كل انحاء الارض .. لانك تعيش بداخلنا


لم نتخلى عنك يوما ولن نتخلى ..مهما كانت انكساراتك .. وسنعلم ابناءنا حب الخير والحق والفوز بشرف


ونحن نعلم تماما انهم سيختاروك.. وسيحبونك مثلما نحبك واكثر ..


كل سنه وفانلتك البيضاء بلون قلوب جماهيرك بيضاء من ان تدنس ببطوله زائفه .اخذناها بصافره من ظالم


باع ضميره . ووقف فى طابور السفله ياخذ مكافأه فساده برئاسه لجنه حكام او وظيفه فى وكاله الاهرام


او بمنصب فى اتحاد الفساد او ليكون بوقا اعلاميا فى محطه او ضيف رزيل عدم الدماء والحياء .نراه فى كل


محطه وكل برنامج .


كل سنه وانت تسكن فى حنيا قلب كل زمالكاوى . وعلمك فى قلوبنا ومنازلنا وصور نجومك تزين حجراتنا


صغارا وكبارا .. وستبقى كذلك الى اخر يوم فى حياه كل زمالكاوى ..


فنحن لانورث حبك لابنائنا .بل نعلمهم الحق والخير والشرف ..فيحبونك بعقولهم وقلوبهم .. وهذا هو سر


بقاء تلك الملايين تحبك مهما كانت الانكسارات






كل سنه وانت اجمل واروع واحلى ماحدث لكل زمالكاوى فى حياته العامه . فحبك اختيار وليس صدفه ولا اقدار


ولانك كذلك .. ستظل دائما اعظم نادى لاعظم جمهور فى الدنيا






.......................................................................



وانا اهدى للزمالك تلك الكلمات





تميت 100 سنه وبحبك انا





حبك ده احلى مافى عمرى





يابو لعب جميل ومالوهش مثيل





حبيت فيك كده انا من صغرى





يا نادى البطولات والانتصارات





يازمالك يا حب عمرى





.......................







انا جدى زمالكاوى وجدو





كان اصله برضه زمالكاوى





وحكالى تاريخ عنه ومجده





وصانى عليك قاللى حكاوى





قاللى انك رمز لكل جمال





فن وهندسه وانا ليها غاوى













يابو لعب جميل وفن اصيل





حبيت فيك كده انا من صغرى





يانادى البطولات والانتصارات





يازمالك ياشمسى وقمرى





...........................





100



سنه اسمك يملا الدنيا





ولا عمرك هاتغيب ولا ثانيه





عايش جوه قلوب جماهيرك





مش كوره وبس حاجات ثانيه





يارمز لحق وخير وجمال





نخسر نكسب دى حاجات فانيه





بالفن بتكسب بطولاتك





مش بالحكام ولا بالباميه



يابو لعب جميل وفن اصيل





حبيت فيك كده انا من صغرى





يانادى البطولات والانتصارات





يازمالك ياحب عمرى





.....................................





100



سنه اجيال لعيبه ابطال





وولادك ماليين الملعب





ووراك ملايين كلها عاشقين





بنحبك تخسر او تكسب





بتعيش جوانا يارمز الحق





بنقول بيك لأ مهما هنتعب





جماهيرك هيا الصفوه بحق





جوه الملعب بره الملعب



يابو لعب جميل وفن اصيل





حبيت فيك كده انا من صغرى





يانادى البطولات والانتصارات





يازمالك ياحب عمرى





.....................................





عقبال مليون . ولاخر الكون





يابو قلب ابيض وعلم غالى





حبك ده جنون وغرام وشجون





حبك اجمل حب جرالى





وف كل مكان تفضل عنوان





للحق وللخير طوالى





وتعيش على طول وانا افضل اقول





لولادى واحفادى ياغالى



يابو لعب جميل وفن اصيل





حبيت فيك كده انا من صغرى





يانادى البطولات والانتصارات





يازمالك ياحب عمرى





.....................................





ارجو ان تنال رضاكم





تحيــــــــــــــــــــــــــاتى



الراصـــــــــــــــــــــــــد



الجمعة، 5 فبراير 2010

دموع قلب انتهى


.
................................................

جايه بتشكى حبها .
.

ودموع تسيل على خدها

من بين جميع الناس جايه تقولى انا

تشكيلى انا من جرحها

من اللى حطم قلبها ولا حسها

وازاى ماحس بحبها

قلبى م الصدمه سكت وسمعتها

معرفتش ايه راح اقولها

ولقيتنى عايش جرحى فيها وجرحها 


طب اشتكيلها والا اشكى منها
 

مع كل حرف انزف ياقلبى

 وكل دمعه منها
 

كانت دموعها نار ف قلبى
 

ونور بيضوى  على خدها

كان قلبى بيبوس الدموع

مع كل  اها منها

..............................

كان دمعها دمى الى نازف من عنيها
 

على جرحها


مع كل دمعه احساس يموت جوايا

ويبكى  حبها

وامل يضيع مع كل دمعه ويبقى
 

اوهام عشتها


مبقتش عارف ابكيها والاابكى 

عليها  ومنها

ونسيت جراحى منها وعشت جرحى
 

فى جرحها
 

ولقيت ايديا غصب عنى رايحه

ناحيتها عشان تسمى

على قلبها

مبقتش عارف  ..ببكى جرحى وحبى  ليها

والا ببكى جرحها

..............................

لميت جراحى ومشيت وفى عنيا الدموع

ماتت امالى كلها و خلاص ياحب

مافيش رجوع


ازاى ياقلبى كل ده فين دقتك جوه الضلوع


وازاى تكون غلطان وعايش قصتك

وانا مخدوع

مش حاسه بيا وانا اللى كنت واهم
 

مبقتش فاهم اروحلها والا اتحرق

زى الشموع

........................................

ولها بقيه

الراصد

الاثنين، 1 فبراير 2010

Zamalek Toolbar الزمالك تول بار - الاول في الشرق الاوسط - قــــــــــــــــال الفيلســـــــــــــــــــوف

مافيش حد يستــــــــــــــــــــاهل


.....................................

مافيش فيه حد يستاهل

ولا فيه حد بقى ساهل

بقينا نغش بالساهل

ونكدب برضه بالساهل

نشك فى بعض بالساهل

ولا نصدقش بالساهل

ولا تفهمش مين سافل

ومين صعب ومين ساهل

وكل برضه يتسائل

اصدق برضه بالساهل

واكون نفسى واستاهل

وابقى ضحيه للسافل

عشان ماظلمش حد برئ

مكانش لظلمى يستاهل

او اظلم كله فى كله

واقول كله مايستاهل



عشان كله بقى كله

ويضحك كله على كله

ويكدب كله على كله

وكله يعانى من كله

وكله بيشكى من كله

من الاخر

بقى كله نسى كله

وكله يقول على كله

ويرجع بشكى من كله

ويحلف انه له كله

وقلبه ملك له كله

وهو الكون دهو كله

وهو مالوش ف ده كله

ولا حاسس بده كله

وبعد الحب ده كله

تلاقى انه كان كله

كلام يتقال من كله

يقوله ليك ولكله

وتخرج بعد ده كله

بجرح كبير من كله

وشك لكله وف كله

وتكره كل ده كله

وتسخر م الكلام كله

وتندم ع اللى فات كله

وع الحب اللى كان كله

وع العمر اللى راح كله

ولما تشوفه هتقوله

طب ازاى انت ده كله

يقولك .مش انا..كله

ده انت .وكلنا ..كله

ولاجل كل ده كله

انا قلبى نسى كله

وان الحب بقى كله

يدوب تيك اواى كده كله

وطقم حنان وبالكاتشاب

وبعدين انسى ده كله

مع سجارتين

ولو يوم عقلى قال لا

ماينفعشى نقول كله

هقول اقضل نقول كله

عشان نرتاح من كله

ونتعلم بقى كله

مافيش حد بيستاهل

تحبه الحب ده كله

..................................

الراصد














الخميس، 28 يناير 2010

وبعشق عنيها


هى احدى اوراقى ..
وكالعاده لا انشرها كامله ...
دائما اتذكر تلك الايام حين امر بنفس الاماكن .
واحيانا اشعر ان الايام لم تمر ...رغم ان الاحداث اخذت نهايه اخرى
.............................



معايا الجميله وماسكه ف دراعى


على شط نيلك وعند الرفاعى


بنضحك ونحكى ورخم سواعى


تروح سايبه ايدى وتلوى ف صباعى


واضحك وهى بتخبط بكوعها


واطبطب عليها ف مركب شراعى


وبسمه جميله وامسح دموعها


ونرجع نغنى بدون اى داعى


.............................


واروح اشتريلها ف غزل البنات


وزرين بطاطا وسكر نبات


والاقيها طفله واصغر ساعات


وامى واختى وست البنات


وابص ف عنيها الاقى السكات


تقوللى هاحبك لحد الممات


واعشق كيانها وادوب من حنانها


والاقيها عمرى اللى جاى واللى فات


...................................


نشبك ايدينا ويحلى الكلام


ونظره عنينا وهات ياغرام


وخصله تطير فوق جبينها المنور


وفوق خد احمر واطبع سلام


مافيش حد شايف ..الاقى الشفايف


تقول بس خدى .ده اخر كلام


وانا مش بخاف ولكن عليها


بصونها بعيونى واغمض وانام


................................


بتحكى لصحابها وتشكينى ليهم


وتيجى تقولى بخاف من عنيهم


وتاخد ايديا تعرفنى بيهم


واروح من كسوفى اسلم عليهم


وبعشق سكنها ومكانها وزمانها


وبحسد جيرانها وبحقد عليهم


وبعشق وجودها وصوتها وعودها


وبعشق اماكن ومرت عليهم


.............................
 
 

محمد الراصد