*****************************
مافيش معنى للدنيا من بعدك حبيبى
وايه جمال الكون وانت مش نصيبى
لو روحى هاتكون ثمن عشان هاتكون سعيد
اهديها ليك وبسعاده واحبك من بعيد
....................
صحيح الليل هايبقى طويل مالوش معنى
ومش هاستنى نهارى يفوت عشان جاى ليل يجمعنا
وهمسى ليك وضحكاتك . وحيرتى عليك فى سكاتك
وقلبى لما يسالنى هقوله ياهو ياحياتك
.....................................
هاموت ميت مره فى الثانيه
وهاكره بعدك الدنيا
واشوفها ازاى وعيونك
وقلبك ليه حياه ثانيه
حياتى كانت انت وبس
وقبلك عمرى قلبى ماحس
...................................
كلامى هاقوله لمين غيرك
وفى الدنيا ماليش غيرك
صحيح كان نفسى اعيش وياك
لكن راضى وحياتى فداك
ومهما تروح وتبقى بعيد
روحى تسيبنى وتبقى معاك
يا اجمل لحن غنيته
وحلم حلمته ولفيته
وصوره رسمتها بقلبى
خيال له معنى حسيته
عيش انت وحب وابقى سعيد
نصيبى خلاص انا نسيته
خلاص ابعد وانسانى
وانا ارجع قبرى من تانى
انا رايح وانت جى
انا ضلمه وانت ضى
انا بعدك ماليش بكره
مافيش بكرا لميت حى
ليست هناك تعليقات:
إرسال تعليق