انا خلاص مليت شرف
وجاتنى حاله من القرف
والله بعذر كل واحد انحرف
وكل واحد كان جدع
لكنه للكدب انجرف
وللخداع كان يوم ضحيه
لكنه دلوقتى احترف
ملعون ابوها الجدعنه
ملعون ابو الطيبه
وتحيا الملعنه
وطظ فيك .
لو عشت تانى يوم لحد
وصنت ود .
وعشت دور الجدعنه
ومن النهارده مافيش خلاص
غيرى انا .
وبكره اول يوم فى عمرى
من اول سنه
انا اللى جاى
مش اللى فات
انا اللى من غير ذكريات
انا اللى كان انسان ومات
ماضى انتهى
وهعيش كده ...زى الفتات
لوصعب اعيش كداب
او صعب اتغير
واغير الحاجات
يبقى استاهل
اعيش كل اللى فات
ملعون ابو كل اللى فات
ملعون ابوها ذكريات
ملعون ابو اى حد
يحب جد . ويصون لود
ويحب من غير اى حد
ويدى من غير ى حد
ملعون ابو كل الحاجات
انا من سكات ..
هلم كل الذكريات
والصدق ويا الجدعنه
وشويه الحب اللى فات
وارميها ويا المهملات
وابقى .يدوب حبه فتات
من حد كان موجود ..ومات
...............
ليست هناك تعليقات:
إرسال تعليق