كتبت وقت الاعتداء الصهيونى على غزه
..................................
...........
اسف يا غزه ..وماتسامحنيش..لان ذنبى لايتغفر ولا يتنسيش
يارمز عز ماينكسر ..يرمى الجزم ..فى وشوش عرب ماتستحيش
وفى كل يوم يموت بطل ويتولد الفين بطل فى ملحمه مابتنتهيش
واقفه وصامده وتنزفى دم ودموع .اوعى ياغاليه تركعى..ماتسلميش
من عزتك حاسس بعارى.. وف كل ليل ونهار بقولك ..ماتسامحنيش
...............
مع انى مسلوب الاراده..زى كل اولاد بلدنا
الغلابه المطحونين
لا لى رأى ولا سياده ولا اختيار حتى فى حياتنا
بنعيش كده متهمشين
ييجى ملك ويروح ملك..لاحد قالى رايك ايه
ولاحد قال تختاروا مين
يقولوا حاربوا .نروح نحارب يقولوا سلم .نسلموا
ونقول امين
تفتكرى ده عذر كافى عشان تسامحى وتعذرى؟؟
والا حجه عاجزين
اوعى ياغزه فى يوم تسامحى..اى عربى .كلنا بالعار هنفضل
كده متلطخين
الاشتراك في:
تعليقات الرسالة (Atom)
ما شاء الله جميل جدا
ردحذفوالله انا سعيد ان الفايس بوك
اتاح لينا فرحة التعرف على باقى مواهبك الغير كروية
هههههههههههه
استمر وللامام دايما ان شاء الله